Per esser sincers crajain nus schizunt ch’i na dettia nagut meglier sin quest mund che da viver cun Jesus. La relaziun cun el è il senn da la vita. I na va betg per sabientschas e reglas da viver, mabain per ina relaziun persunala cun il Creatur da quest mund. Jesus ha vivÌ sco figl da Dieu sin quest mund. El è mort per nus vi da la crusch e levà da mort en vita ed el è il sulet che po destruir il mir tranter nus e Dieu. Jesus è la via che maina tar Dieu.

Nus avain sentì che la Bibla ha ina forza explosiva e che ses messadi davart la vita e davart Dieu è absolutamian vair. En quest cudesch sa preschenta Dieu als umans e mussa ad els ses plan incumparabel per l’umanitad – e per mintga singul da nus.

Nus crajain che Jesus sa drizzia surtut als paupers ed a tut quels che vegnan marginalisads en nossa societad. Sco Jesus Freaks vulain nus viver sco quai che Jesus ha vivi. Mintgin  po vegnir sco quai ch’el è, tuttina a tge gruppa sociala ch’el appartegna.

Nossa finamira n’è betg mo da porscher divertiment u da mitigiar las suffrientschas, mabain da far enconuschent a blers Jesus, il qual è levà da mort en vita.

Nossa visiun è che nossa generaziun sa dauzia per Jesus – en noss pajais, en l’Europa e dapertut en il mund – perquai ch’ina vita cun Jesus, senza cumpromiss, è per ella insatge dal pli cool, dal pli ferm, dal pli intensiv e dal pli captivant.

Quest “moviment da Jesus” vul encuraschar ils umans da furmar lur atgnas communitads, cun lur background, en lur stil e cun lur cultura.

Nus ans legrain da tut las autras communitads che mettan Jesus en il center da lur vita. Per nus èn tut ils cristians ina gronda famiglia. Mintga communitad e mintga cristian è insatge spezial ed ha in’incumbensa da Dieu – e nus vulain accumplir la nossa!.