Üsi Gschichte

1991 hei sich inere Hamburger Stube 3 Lüt troffe, wo öppis verbunde het:
Sie hei Luscht uf Jesus, vo däm wo sie gloubt hei, dass är vor zwöitusig Jahr nid nume gstor-be sondern au wieder uferstande isch und so au hüt no läbt und es unmittelbars Inträsse a de Mönsche het.
Uf dä Jesus sie si abgfahre und hei ne wölle i Aktione erläbe. I dere Stube hei viel vo üs ds erschte Mal ohni Hemmige ahgfange ds bäte. Mier sie vor Gott eifach so gsi wie mier si und hei alles vo ihm wölle, wo är für üs het gha. Die meischte Lüt, wo de später zu üsne Träffe si cho, sie cho, wüll sie a Jesus gloubt hei, aber i ihrem Läbe oft nid i irere Art ahgnoh und ak-zeptiert sie worde. Dä Jesus wo me ir Bibel findet isch krass. Är het keis Blatt vors Mul gnoh und het alles kritisiert, was ihm nid gfalle het. und doch isch jede vo ihm ahgnoh und gliebt worde.

Mier hei ihn gfragt: Chöi mier so sie, wie mier si und trotzdäm radikal mit dier läbe? Wie chönnte üsi Gmeinde usgseh? Wie chöi Gottesdienschte, Predigte, Ahbätig für üs gschtaltet wärde?"

Die erschti Antwort isch rächt unerwartet cho: Was mier erläbt hei, isch e gschpürbari Gäge-wart vo Gott gsi, dass es üs alli umghoue het. Jesus isch so real ahwäsend gsi, dass me ds Gfühel het gha, me chönni d Hand usstrecke und ihn berüehre.
I dere Zyt si viel Wunder passiert. Fasch alli Gebät si erhört worde. Viel hei schlagartig ufg-hört Droge ds'näh, wüll sie so abgfüllt mit Jesus si gsi. Är het das gmacht, für ersch einisch ds klar mache: "Ig finde die Idee guet, si isch vo mier, ig wott euch sägne, ig liebe euch, so wie iher sit."

Mier hei viel usprobiert, für usedsfinde, wie me no cha Gottesdienscht fiere, witwäg vo Orge-le, Litrugie und verstoubte Ritual. I der Hamburger Szene het sich das schnäll umegsproche, dass sich da die Freaks träffe, wo uf Jesus abfahre und so hei mier Bsuech vo Lüt us de ver-schidenschte Jugendkulture übercho. Die meischte hei jedoch gspürt, das da öppis abgange isch, was sie nid hei chönne erkläre und sie wieder cho. Das Träffe, däm wo mier der Name "Jesus-Abhäng-Abend" hei gäh isch enorm gwachse. Nachdäm Nachbure hei droht üs us der Wohnig ds schmeisse, wenn mier witerhin mit 25 Lüt ir Nacht em eis ds "Vater Unser" bätte, sie meir überne Zwüschestation ine Beiz im Schanzeviertel in Hamburg züglet. Dert isch d Gruppe bis im 1994 uf 200 Lüt pro Abhängabend ahwachse. Mittlerwile isch die ganzi Sach scho en Art Gmeind gsi und mier hei sogar einigi touft und verhüratet. Vieli Fraks hei sich derte entschide, es neus Läbe mit Jesus ahdsfa.

Im Louf vo de nächschte Jahr het d Arbeit Dimensione ahgnoh, wo über d Gränze vo Ham-burg sie gange. Überall usem ganze Land hei mier plätzlich Poscht vo Freaks, wo die glichi Idee hei gha, sich aber nid trout hei, se umdsetze. I chürzerschte Zyt sie Jesus Feaks Gruppene wie Pilze usem Bode gschosse. Mier hei beschlosse, dass mier, wo zwar alli us verschidene Städt sie cho und dörte gschaffet hei änger hei müesse zämerücke und das die Vision, wo mier hei gha, nämlich e Jesus Bewegig in Europa, nume gmeinsam ds erreiche isch gsi. Uf das abe isch Jesus Freaks International gründet worde. Als offizielle zämeschluss vor Bewegig. Ei-nisch im Jahr findet ds Freakstock Festival statt. wo mier üs alli träffe und zäme mit Jesus fiere.

Sit denn wos d Jesus Freaks git, jei viel Lüt der uferstandnig Jesus kenneglehrt. Mier sälber si dür Hochs und Tiefs gagne. Der Wäg mit Jesus, als Gruppe, Gmeind und Bewegig, isch nid eifach, erforderet immer wieder Umdänke und Veränderige. Aber solang mier derzue bereit si, und üs vom Heilige Geischt löh la leite, wird's immer witergah, und mier wärde a das Ziel cho wo Gott für üs het!

... und Jesus het ersch ahgfange!