Was mier gloube

D Grundlage vo üsem ganze Gloube isch d Bibel. Für üs gilt: die ultimativi Wahrheit über Gott und vom Läbe i sirer grifbare Form wo ir Bibel isch. Mier mässe alles da dranne und süsch niene.
(Hebr. 4,12-13)

Aber: Nid das Buech isch üses Gägenüber, sondern dä, wo das i Uftrag gäh het. Mier sueche d Realität vo däm, vo däm wo d Bibel der Niderschlag isch. (2.Tim 3,16)

Üse Gloube
Mier gloube a der einzig, ewig Schöpfergott, wo als e gheimnissvolli Drüeinigkeit vo Vater, Sohn und Heilige Geischt exischtiert und sich üs als e persöhnliche Gott offebahrt.
(Eph. 4, 5-6)

Mier gloube, dass Gott sich ändglültig in Jesus offebart het, sim einzige Sohn. Dür ihn chöi mier begriffe, wie Gott würklich isch: vollkommeni Liebi, wo sich bis zum letschte ufopferet, für das d Mönsche, wo ihn abglehnt oder ihn eifach ignoriert hei, sini Chind chöi wärde.
(1 Joh. 5,20 ; Jes. 53, 4-6)

I däm verstöh mier übrigens au üse Uftrag. Was Jesus ahgfange het und wo vo sine Jünger isch übernoh worde, wei mier witer mache. Mier wie Mönsche rüefe, dür Jesus Gottes Chind dswärde, und es würklech es anders, neus Läbe dsübercho.
(Mt. 28, 19-20)

Üsi Botschaft isch:
Es git e Gott. Är het si Wille ganz klar i üsem Gwüsse und schwarz uf wiss i der Bibel gschri-be. Jede Mönsch het mit sim Läbe Gottes Gebot ignoriert und ihn missachtet, so das är nach Gottes Gsetz der Tod verdient hät. So umbequem wie das isch: Es wird eines Tags abgräch-net, und jede mues ganz allei für das verantwortlich si, was är mit sim Läbe gmacht het.
(Röm 8, 21-23 ; Offb 20, 11-20)

Der glich grächti und heilige Gott isch i Jesus Mönsch worde und het i volkommenerer Liebi stellverträtend amne Fritigvormittag vor fasch zwöitusig Jahr usserhalb vo Jerusalem das To-desurteil uf sich gnoh, wo eigentlich üs hätti sölle träffe. Är isch krüziget worde, dass mir frei chöi si. Är isch für üsi Schul zur Verantwortig zoge worde. Das isch das sogenannte Evange-lium. We du das gloubsch, so seit d Bibel, wird das für di aktiviert, es isch für di persöhnlich, Du überchunsch ds ewige Läbe, es ghört dier. Wenn nid, blibt alles so wie vorhär.
(Petr. 2, 21-24)

Dä Jesus, wo für dini Schuld gstorbe isch, blibt nid tod. Drü Tag später isch är dür Gottes Macht wieder läbändig worde und vieli Züge hei ihn gseh. Das isch der Bewis vonere Chraft, wo stercher isch als der Tod. Jede, wo a ihn gloubt, laht är als freis Gschänk dür die Person vom Heilige Geischt erfahrbar a dere Chraft teilha. So real, dass är sälber i dier inne läbt.
(Joh 11,25-26)

Was Gott schänkt, het nüt dermit dstue, dass Du religiös und traditionell muesch märde. Es het überhoubt gar nüt mit dine Leischtige dstue, ganz im Gägeteil: We du di eifach Jesus ganz vertrouensvoll überlahsch, so wie Du bisch - d Bibel nennt das "Gloube" - ghört das sofort dier und wird läbändigi Würklichkeit für di, für der Räscht vo diem Läbe bis i die gsammti Ewigkeit. (Joh 20, 31)

Das isch üse Gloube, üsi Hoffnig und üsi Chraft. Das isch ds würkliche Härzstück. Hie mache mier keni Abstriche. Mier hei das erläbt und bezüge das mit üsem Läbe, das das Evangelium rettet, Gott zu Ehre.