Freak si, bedütet eigenrlich, usgflippt, schreg, verruckt dsi. Freaks si Lüt, wo eher gäge Storm vor Gsellschaft schwümme, wo anders wie si. Insofern isch eigentlich jede richtig Chrischt e Jesus Freak. Egal vo wo Du chunsch, lah di nid dervo la abbringe zu Jesus ds gah!

Jesus isch der ultimativ wichtigscht Teil vom Ganze. Wenn Du dier nid sicher bisch, ob Du e Chrischt bisch oder nid, de bisch Du mit grosser Wahrschinlichkeit kene. De so öppis weiss me. Jesus isch der Mittelpunkt i dim Läbe. Du hesch ihn als Fründ, wo mit dier läbt, egal was Du machsch und wo Du grad bisch. D Bibel geit dervo us, dass es es Zentrum i jedem Mönsch git, d Bibel seit däm "dis Härz". Es isch wine Schaltzentrale, e CPU, e Chefsässel, wie imne Rumschiff. Uf däm sitzt meischtens dis "Ego". Du schaltisch und waltisch, wos grad düregeit. Vielecht bättisch Du sogar mal ab und zue und geisch id Chilche. Doch Jesus seit: "Das längt nid, ig möcht gärn uf dim Chefsässel sitze und dis Rumschiff länke!" Viel-licht hesch Du Anscht dervor, dass chani guet verstah, aber es lohnt sich, ihm ahdsvertroue. Denn är kennt dis Läbe ganz genau, und weiss was am beschte für di isch. Es git eigentlich nume ei Regle für, wie me e Jesus Freak wird: Jesus wird der Boss i dim Läbe. Und derfür cha sich nume ei Person i däm Wältall entscheide, und zwar freiwillig, und das bisch Du. Ds einzige was öpper a däm Schritt cha hindere, isch der Stolz: "Ig schaffe das scho, ig bruche keni Hilf, ke Vergäbig und kei Liebi". Mit sonere Haltig lüge mier üs sälber ah. Jesus wott ds Beschte für üses Läbe, das isch soger besser als das Guete wo mier viellicht scho hei.

Wenn Du Jesus wotsch kennelehre und Du nid weisch, wie Du ihm das chasch säge, chasch Du das Gebätt hie als Hilf näh. Tues allei oder mit öpperem anderem bätte, wo Jesus scho kennt:

Jesus,

Ig wotts wage, mi uf es Läbe mit dier ihdsla, Du sölsch ab hüt Chef i mim Läbe si. Vergib mir, dass ig bis jetz ohnin di gläbt ha. Vergib mir dä Mischt woni i mim Läbe bout ha, mit däm woni anderi und mi sälber verletzt ha. Bitte zerbrich alli Hinderniss zwüsche dier und mier und chum i mis Härz. I gibe zue, dass ig di bruche und dass ig oni di nid läbe cha. Dan-ke, dass Du mi ärnscht nimsch, danke dass Du mi jetzt ghörsch und mi nid tuesch verlah.

Amen.