Um erhlich dsi gloube mier sogar, dass es nüt besseres uf dere Wält git, als mit Jesus ds läbe. Die Beziehig zu ihm isch der Sinn vom Läbe! Derbi geits nid um Religion oder irgendwie um Wiesheite oder Läbensregle, sondern vielmeh um e persöhnlichi Beziehig zum Schöpfer vo dere Wält. Jesus hat als Sohn Gottes uf dere Ärde gläbt. Är isch für üsi Schulde am Chrüz gstorbe und vo de Tote wieder uferstande und är isch der Einzig, dä hüt die Mure zwüsche üs und Gott cha ihrisse. Jesus isch der Wäg zu Gott.

Mier erläbe, dass d' Bibel Wort mit Explosionschraft het und i ihrne Ussage über ds Läbe mit Gott absolut wahr isch. I däm Buech stellt sich Gott de Mönsche vor und zeigt si einzigartig Plan für d'Mönschheit und für jede Einzelni uf dere Wält.

Mier gloube, dass är sich im bsundere Mass de Verstossene und Arme, wo usserhalb vo de Wärtnorm üsere Gsellschaft stöh, zuegwändet het. Als Jesus Freaks wie mier so läbe, wie Jesus das vorgläbt het. Jede cha so cho, wie är isch, egal weli soziale Hindergründ är het.

Üsi Ziel si aber nid, nume Unterhaltig ds'biete, oder Not ds lindere, sondern viel mit äm ufer-standene Jesus bekannt ds'mache.

Üsi Vision isch es, dass i üsem Land, i Europa und überall uf der ganze Wält, üsis Generation für Jesus ufsteit, wüll für sie es kompromissloses Läbe mit Jesus ds coolschte, heftigschte, intensivschte und spannesnschte überhoupt isch.

Die "Jesus Bewegig" wott Lüt ermuetige, ihri eigene Gmeinde ds starate, mit ihrem Back-ground, ihrem Stil und ihrne Kulture.

Mir freue üs über all die andere Gmeinde, wo Jesus im Mittelpunkt steit. Mier gseh alli Chrischte als e grossi Familie. Jedi Gmeind und jede Chrischt isch öppis Bsundrigs un het en Uftrag vo Gott - un mir wie üse Uftrag erfülle.