Üsi Wärte

[Liedeschaft -> Gott]
Liedeschaft für Gott isch d Wurzle vo allem was mier tüe u was mier si. Jesus Freaks gits nume, wülls Jesus gibt. Da är alles für üs het gäh, gäbe mier alles für ihn. Ahbättig und Gebätt si Schlüsselelemänt vo üsem Läbe.

[Liedeschaft -> Mönsche]
Jesus het üs es erfüllts Läbe gäh und darum brönne mier druf, das mit allne ds teile. Mier wünsche üs, dass sie die gliche, tiefgründige Erfahrige mach wie mier. Usserdäm gseh mier i der Bibel, dass Jesus sich im grosse Mass de Mönsche ahgnoh het, wo am Rand vo der Gsell-schaft stöh. So isch das üse Uftrag, Mönsche ohni Hoffnig e Perspektive fürs Läbe ds gäh.

[Beziehige -> Gmeind]
Üsi Stärcki als Bewegig ligt imen töife tragfähige Netz vo jesusmässige Beziehige. I dere gli-che Liebi wo üs Jesus begägnet, wie mier üs begägne, sich um die andere kümmere und füre-nand da si. Beziehige zu Gott und underenand si der Chärn vor Gmeind und all üsne Ve-rastalltige und Strukture.

[Wachstum]
Für das üsi Beziehig zu Jesus liedeschaftlich blibt, wie mier ihm nächer cho und üs vo ihm verändere lah.
Dä Prozäss beinhaltet undere anderem: I der Erkenntiss vor Wahrheit ds wachse, üs vo Ver-letzige la ds heile und üs vo falsche Vorstellige trenne, um der Plan Gottes für üses Läbe ds erfülle.

[Kultur, Kunscht, Kreativität]
Als Teil vor Gsellschaft bringe mier üs aktiv i das soziale und kulturelle Läbe ich. Mier Jesus Freaks wei üses Umfäld positiv beihflusse und präge.

[Multiplikation]
Was mier vo Gott und de Mönsche übercho und glehrt hei, gäbe mier uf verschidene Äbene witer, für das anderi us üsne Erfahrige chöi lehre und druf ufboue chöi.